الرئيسيةالتسجيلدخول

شاطر | 
 

 نكت متنوعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nermina
عضو مداوم


عدد المساهمات : 203
نقاط : 5853
تاريخ التسجيل : 15/04/2009
العمر : 25
الموقع : www.montada.elchoroukonline.com

مُساهمةموضوع: نكت متنوعة   الإثنين 06 يوليو 2009, 11:53 am

قالك واحد الإمام جا عندو أمرا و راجل باش يعقد لهم.
قال للمرا: واش يسموك؟؟؟
قالتلو جميلة.
ايا منين شاف فيها لقاها ما تشبه لوالو...
أيـــــــــــــا دار للشهود و قالهم:
روحوا تروحوا اخاوتي...رايحين تشهدوا شهادة الزور.

• قالك هاذو زوج صحاب ديما ما يتفاهموش مع بعضاهم ...قال واحد نمشيو للقهوة ...قالو صاحبو: لا نمشيو للمطعم...دارلو خاطرو و راحو للمطعم ...
امبعد قالو: ناكلو الكفتة؟...قال صاحبو: لا ناكلو الجاج...
دارلو تاني خاطرو و كلاو الجاج...
و واحد المرة قالو نشربو القهوة...قالو نشربو آتاي...ايا اطلعلو الدم للراس و قتلو...
جاو البوليس باش يحققو في لقتيلة تاعو و ما عرفوش شكون اللي قتلو...
غدوة منداك مشى فالجنازة نتاعو و ابدا يبكي عليه (بلعاني) ...ايا منين جاو يدفنوه و يهودوه فالقبر ...
كي يهبطوا راسو ...يطلع رجلو .... وكي يهبطولو رجليه يطلع يدو... و هكذا حتى انطق صاحبو و قالهم:
....هاو علاش قتلتوا...


• قالك واحد الطفل نهار زاد ...زاد راسو كبير بزاف...الناس عقدوه...أيا واحد المرة قال ليماه:
أنا الناس ديما يضحكوا عليا كي عاد راسي كبير...
قالتلو يماه: لالا...راسك ماشي كبير...الناس غاروا منك برك....هاك عشر الآف و روح اشريلي البطاطا...
قالها: اعطيني صاشي...
قالتلو: نهار اللي تشري دير البطاطا في الكاسكيطا تاعك و ارواح.

• قالك واحد النهار مصري و جزا يري دخلوا لواحد المطعم.
أيا الجزايري أطلب رأس خروف مشوي ووحدة بيبسي....و المصري اطلب سمك و قرعة بيبسي....
و مبعد شوية المصري كلا السمك نتاعو و شرب البيبسي تاعو و تاع الجزايري...
قالو الجزايري: و علاش شربت البيبسي تاعي؟
قالو المصري: السمك عايز يسبح...
شاف فيه الجزايري و أعطاه بدماغ...و قالو: حتى الخروف عايز ينطح...

• قالك واحد عجباتو وحدة الشيرة طويلة و شابة...كل يوم يشوفها بلا ما يهدر معاها...
واحد النهار عول يهدر معاها قالها:صباح الخير...
قاللها: انت عجبتتني و دخلت في قلبي ....بصح الله غالب رجليك قعدوا برا...

• قالك هذا واحد حابس...جاتو البلدية قالتلو: أعطينا وثيقة إثبات ملكية المنزل...
حوس حوس في حوا يجو و مبعد جابلهم فوطو تاعو متصور في الحوش تاع الدار....


• قالك واحد من عندنا راح للخارج مع مرتو، فالنهار الأول راحو للدوش كمّل هو و اقعد يستنى في مرتو، شاف واحد قال لمرتو:"bon bains " قالتلو: " merci"
أيـأ كي خرجت مرتو قالها: "بومبا" قالتلو في راسك ان شاء الله...

• قالك واحد سمين بزاف تبارك الله...مشى يوزن روحو ...ايا كي اوقف فوق الميزان خرجتلو ورقة مكتوب فيها" خوتي...اركبو بالواحد...الله يخليكم".

• قالك وحدة قاورية تبحرلها كانيش يسموه "مادونا" تلاقات مع واحد راكب فوق حمارو...قالتلو: ما شفتش الكانيش ديالي واسمو "مادونا"؟
هذاك الراجل شاف في حمارو و قال: ار...يا مايكل .
الرجوع الى أعلى الصفحة اذهب الى الأسفل
اسماء25
عضو مداوم


عدد المساهمات : 504
نقاط : 6472
تاريخ التسجيل : 08/04/2009
العمر : 29

مُساهمةموضوع: رد: نكت متنوعة   السبت 01 أغسطس 2009, 9:18 am

شكرا لك نينا والله كنت محتاجة نضحك من قلبي وضحكت من قلبي ربي يفرحك حبيبتي وربي يخليك بارك الله فيك حنونتي
الرجوع الى أعلى الصفحة اذهب الى الأسفل
 
نكت متنوعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ستارلاوز ********* STARLAWS Forum :: منتدى التسلية و الترفيه :: قسم النكـــــــت و الطرائـــــــف-
انتقل الى: